Netherlands in Republic of Ireland hneh turin second half a insiamthat an mamawh a, hma taka goal an chhuah hnuah 2-1 in an tho leh.
Pathianni zana Dublin a Aviva Stadium a inkhelah hian Netherlands tan striker Wout Weghorst chuan substitute bench atanga dahluh a nih hnuah an chakna goal a khung a. European Championship Group B-ah Ireland tan hian tling turin beisei a kiam lehzual sawt.
Ireland in goal khung turin minute li bak an mamawh lova, Adam Idah chuan penalty atangin an hmahruaina goal a khung.
Mahse hma an hruai rei lo, Dutch team in minute 19-naah penalty an hmu a, Cody Gakpo chuan an si phurh sutna turin goal-ah a khung.
First half-ah Ireland an kheltha a, player-te tlan taima in Dutch team in ball an inpe mumal thei lo. Second half-ah erawh Ronald Koeman-a’n a team siksawi in inkhel an thunun sawt a, Weghorst-a’n minute 56-naah an chakna goal a khung leh a ni.
Inkhel dangah Serbia in Aleksandar Mitrovic hattrick hmangin Lithuania an hneh a, Group G-ah hmahruaitu Hungary nen an point hmuh zat a inang mek.