MINECO-a Mizoram Khadi & Village Industries Board (Mizoram KVI Board) office building thar chu nimin khan Commerce & Industries Minister Dr. R. Lalthanglaina’n a hawng.
KVI Board office thara hawnna inkhawnah Dr R Lalthangliana chuan kum hnih chhung Covid-19 hripui leng leh harsatna hrang hrang hmachhawn hnuah pawh a taka hmasawnna thil hmuh tur awm thin chu sorkar leh mipuite tan lawmawm a tih thu a sawi a. KVI Board office tha tak chu mipuite tan tangkai taka hman a nih zel a beisei thu a sawi.
Mizo kutchhuak thil chi hrang hrangte pawh a zahpuiawm ta lo hlea a hriat thu sawiin Dr. R. Lalthangliana chuan a sawi a. Sorkar hna chauh ni lovin mahni themthiamna leh talent hmangin tunlai khawvelah eizawnna tling thil tam tak a awm tawh a, hengte hi awmze nei leh eizawnna tlaka siam turin KVI Board chu a tihpuitlinsaktu an ni thei a ni tiin duhsakna a hlan.
KVI Board office building thar hi Rs nuai 500 senga sak a ni a. July, 2022-ah sak tan niin, thla 13 chhungin sak zawh a ni.