Lengteng bialtu MLA Dr L. Thangmawia’n NHID- CL Executive Director V. Jakhar chu nimin khan a pisa-ah tlawhin, NHIDCL hmalakna hrang hrang a sawipui.
L Thangmawia ch- uan a bial chhung paltlanga Manipur pawhtu kawngpui NH 102B chu Manipur-a Zofa ten chak lakna atana an rinpui ber a nih mek avangin motor tlan a tam a, kawng a chhe chak hle nia sawiin, a ngenna ngaipawimaw- ha NHIDCL-in a theih ang anga cheithat hna an thawh zel avangin lawmthu a hrilh a. Ngawrh zawka vil a tul thu leh fur zawh veleh tha zawka kawngpui chu siamtha nghal turin a ngen.
Puilo – Tuichang kawnga Aichhinga ro- ad-in National Highway a pawhna tun thlenga la siam loh chu a hriatthiamloh thu L Thangmawia chuan NHIDCL Executive Director chu a hrilh a. Ngopa-in nakum Ma- rch-ah KTP General Conference a thlenna tura pandal structure phurh dan tur te a sawipui bawk.
NHIDCL Executi- ve Director chuan NH 102B kawng chhe tha- wmthat hna chu ruahtui a tlak nasat avang leh motor tlan a tam avangin duh angin a chak thei rih lo nia sawiin, amah ngeiin karlehah a hmuna kala a endik tur thu MLA hi a lo hrilh a. Aichhinga road junction pawh a contractor te phone a be nghalin a rang thei anga Puilo VCP hriatpuinaa siam turin a hrilh nghal niin sorkar thuchhuah chuan a tarlang.
KTP khawmpui pa- ndal pawh phurh theih a nih veleh ruahmanna a lo siam tur thu MLA chu a lo hrilh a. Highway laih kawnga Mizoram sorkar kaihh- nawiha harsatna an la neih te MLA hnenah hian lo thlenin, MLA pawhin a rang thei ang bera Chief Minister a lo sawipui tur thuin a chhang niin sorkar thuchhuah cuan a tarlang bawk a ni.