Aizawl: Serlui Group YMA Inter Branch Football Tournament kharna nimina a hmanpuinaah bialtu MLA Lalrinsanga Ralte chuan term khat MLA a nih chhunga a bial chhung khaw tinah a hnathawh ena vote nawn tlaka an ngai a nih chuan vote nawn leh turin a chah.
Serlui bialtu MLA chuan hmasawnna hna an thawhnaa bial mipuite tawiawmnaah lawmthu sawiin tawiawm zel turin a sawm a. Thalaite chu party dah thaa bial hmasawnna tura a hnathawhte thlir zawk turin a chah.
Bialtu MLA hian Durand Cup khelh zawh taka top scorer, David Lalhlansanga, Mohammedan Sporting Club tana khel chu lawmpuina sumfai a pe bawk.