MNF South Block Tuipui South A/C chuan nimin khan South Vanlaiphaiah block conference an nei a, a hmanpuitu MNF Adviser Dr R Lalthangliana chuan Pathianin hun khirh laia rorel tura a ruat, MNF chu hun ralmuangah pawh a thlah dawn lo tih a sawi.
Dr R Lalthangliana chuan an party-in sorkarna an siam leh dawnah South Tuipui bialah pawh an tling leh dawn tih a sawi a, “Bial danga thleng ve zen zen lo inthlan hmasaka helai biala ka dinpui ZPM official candidate leh BJP official candidate-ten min zawm tawh avangin kan tling leh ngei dawn tih a lang,” a ti.
Ama MLA fund hmanga Darzo leh Thingsaiah helipad siama helicopter a tum thei ta chu lawmawm a tih thu sawiin, helipad puitling ni tura hma a lak mek thu a sawi bawk.
MNF South Block Tuipui South A/C Block connference-a kal khawmte chuan resolution pass-in harsatna leh buaina tam tak kara Chief Minister Zoramthanga kaihhruai sorkar hmalakna te, Zoram mipui tana an inpekna leh thawhrimna hlu tak chu an chhuangin an ring tawk êm êm tih sawiin, Pathianin a thar zela hriak thihin a tung ding zel ang tih an rin tlat thu an tar lang a ni.