AZL: BJP Mizoram President Vanlalhmuaka’n nimin khan an party-a State Minority Morcha General Secretary, Lalrinkima chu BJP atangin a suspend.
BJP Mizoram thuchhuahin a tar lan danin, State President Vanlalhmuaka hian Lalrinkima chu BJP office-ah leh BJP thatna hmun thenkhatah BJP hmalakna tithuanawp zawng leh State President order kalh zawnga a chet fo avangin, Spetember 15, 2023 atang hian order dang awm hma chu BJP Primary member a nihna leh State Minority Morcha nihna a chelh chu a chawlh tir a ni.
Lalrinkima hi party atanga chawlh tirna order hi chawlhkar khat ral hnuah show cause notice in a umzui nghal dawn niin an tar lang bawk.
September 15, 2023 atang hian Lalrinkima (Bru) hian BJP member anga khawi hmunah mah inhnamhnawih loh tura hriattir niin, BJP Mizoram chuan an unit, block leh district ten lo dawngsawng lo turin a hriattir nghal.