Odisha police crime branch-a Economic Offences Wing (EOW) chuan veng vaibelchhe 1,000 chuang dik lo taka kalpuina online ponzi scam-ah Bollywood actor Govinda chu thuzawh fiah turin an ko mai thei.
EOW’s DSP Sasmita Sahu sawi danin, cheng vaibelchhe tam dik lo taka kalpuinaah in rawlh Solar Techno Alliance (STA-Token) hi uluk takin an chhuizui mek a ti a, pyramid ang deuha a chahwnga siam online ponzi sche hi crypto investment hnuaia dan phal loh leh dik lo taka kalpui a ni, a ti bawk.
“Hemi chungchangah hian Mumbai-ah kan mi leh sa te kan tir dawn a, EOW hma inlan a, zawhna chhang thei turin a tul dan azirin Govinda hi koh a ni mai thei,” tiin Sahu hian a sawi. Govinda hi July thlaa Goa-a neih STA’s grand function lian takah inlanin, video thenkhatah company fakna a nei nual bawk.
EOW hian Govinda hi a inrawlh ngei emaw an rinhlelh a nih thu an sawi lo na a, video thenkhatah he company fakna a neih vangin thil zawhfiah tur a awm ngei ah an ngai thung.
“EOW-i’n Govinda telna hi company leh ama inkara thil siam fakna chungchanga inremna mai chauh nia a chhui chhuah chuan he thubuai-a thuhretu-ah kan hmang ang,” tiin Sahu hian a sawi a ni.