French champion Paris Saint-Germain in manager thar Luis Enrique hnuaia a vawikhatna atan inkhelah an tlawm a. An star player Kylian Mbappe chuan goal hnih khung mahse 3-2 in Nice lakah an tlawm.
Parc des Princes-ah Terem Moffi chuan first half-ah an goal hmahruai a khung a. Hei hi Mbappe-a’n minute riat hnuah a sut.
Second half-ah Gaetan Laborde chuan Nice goal hnihna a khung leh a. Nigeria striker Moffi bawkin minute 68-naah goal mawi a khung belh.
Mbappe-a’n huntawp hma in PSG tan goal khung nawn ve mahse a tawp thlengin an sut zo thei lo.
France captain hian tun season-ah match li khelin goal sarih a khung tawh.
An coach Luis Enrique chuan, “Nice hi team tha, hmachhawn har thin tak an ni a. Ruahmanna uluk tak an siam a, team hlauhawm tak an ni.”
“Keini aiin thahrui an ngah zawk a, kha khan counterattack-ah a tihlauhawm zual.” a ti.