Manchester United defender Aaron Wan-Bissaka chu hun engemaw chen chhung a inkhel thei dawn lova, inhliam avangin a chawl rih dawn.
Kum 25 mi hi Inrinni zana Brighton & Hove Albion laka an tlawm tumin huntawp dawnah dah luh a ni a, he inkhelah hian a inhliam a ni.
Kar hmasa chhung khan dam lohna in a tlakbuak avangin inkhel bul tan tir a ni lova, club lamin a hliam hi eng ang chen a rei nge a ni dawn tih hre turin an endik leh dawn tih an sawi a, mahse kar engemaw zah chhung a chawl dawn tih an sawi.
Manchester United hian first team player inhliam avanga chhawr theih loh an ngah hle a. Hetihlai hian zanin a UEFA Champions League a Bayern Munich nen an inkhelh tur inbuatsaihnaah midfielder Mason Mount leh defender Raphael Varane te chu an tel ve leh thei tawh tih an sawi bawk.