German midfielder Julian Draxler chuan Paris Saint-Germain chhuahsanin Qatar club Al Ahli chu kum hnih chhung atan a zawm.
Thawhtanni khan a club thar hian Draxler an lakluh thu hi an puang a. Tunhnai a Paris Saint-Germain atanga Qatar pantu player pathumna niin Marco Veratti leh Abdou Diallo ten Al Arabi an lo zawm tawh.
Draxler hian kum 2017 khan VfL Wolfsburg atangin PSG hi a zawm a, an tan vawi 198 inkhelin goal 26 a khung a, assist vawi 41 a nei. A hunlaia German winger hlauhawm niin ram tan vawi 58 a inkhel tawh.