US-a Chicago khawpuia damdawi in pakhata mi pakhatin silai a hmehpuahnaah doctor, pharmacist graduate thar leh police officer te an thi.
Silai hmet puaktu hi kum 32-a upa, Juan Lopez a ni a, a kah hlum tak doctor, Tamara O’Neal-i bialpa nia sawi a ni a, an inhnial a, a kap ta mai a. A kah zawhah hian mi dang pawh a kap chhunzawm ta niin an sawi.
A kaptu hi a thi ve a, a thih dan erawh police kah hlum nge amah a inkap hlum tih hriat a la ni thung.
Mayor Rahm Emanuel chuan he beihna thleng hian an khawpui chu a titap tih a sawi a. “Sualna hmel lan chhuahna rapthlak tak a ni,” a ti bawk.