Aizawl : Mizorama Health Centre 300 chua- nga Solar Energy hmanga kawlphetha pechhuak tura hmalakna -Energy for He- alth chu nimin khan Ze- mabawk Urban Primary Health Centre atangin He- alth Minister Dr R Lalth- angliana’n a hawng.
SELCO Foundation, Mizoram leh Health & Family Welfare Deptt-in thawkdun tura thu an thlun anga Ener- gy for Health hi kalpui tur a ni a. Health Minister chuan kumin ral hma ngeia Mizorama He- alth Centre 300 chuangah hnathawhna atana an mamawh power chu Rs. nuai 3 atanga nuai 8 thleng zel senga chu nizung chakna hmanga pechhuak tura hmalak a nih tur thu leh la- wmawm a tih thu a sawi.
Energy for Health hi PHC leh Sub-centre hr- ang hrang, kawlphetha hmuh thatloh avanga buai chang nei thin te tan thu lawmawm tak a nih thu leh, tunlai khaw- velah lungalhthei, tuialhthei, etc. atanga kawl- phetha siamchhuah kal- san telh telha nizung, lui luang chakna etc. hma- nga kawlphetha siamchhuah uar deuh deuh a pawimawh thu Health Minister chuan a sawi.
Health Minister chu- an SELCO nena an thaw- hhona chu Mizoram tan hriselna kawnga hmasaw- nna pawimawh tak a nih tur thu sawiin, anni bakah Power Grid Corporation of India Limited, Power Finance Corporation leh company dangte CSR at- anga dist thenkhata Hospital sak leh thuamthat hna thawh a nih thu te, sum hnar dang hrang hrang hmanga hriselna in hma a sawn theihna tura lianth- am taka sorkarin hma a lak dante a sawi a. Mipui hriselna sorkarin a ngaihpawimawh thu leh ngawrh taka kawng hrang hranga hmalak zel a nih tur thu sawiin, mipui tawiawmna pawh a ngen nghal bawk.
CFO -SELCO Foundation VK Joby-a’n a sawi danin, yhe thawhhonaa program chuan Mizorama PHC zawng zaw- ng leh sub-centre thenkhat a huam ang a. PHC pakhat atana sum hman tur Rs. nuai 7 atanga nuai 8 niin, Sub center pakhat solarise na tur chu Rs. nuai 3 atanga nuai 4 ni tura ruahman a ni.