Zote Toyota Mizoram Premier League 10 round 6-na Kolasib-ah khelh a ni a. Chanmari FC in tun season-ah team tha an din tih lantir lehin Aizawl FC lakah hnehna an chang.
Ningani a Kolasib Sports Stadium, Project Veng a inkhelah hian Chanmari FC in striker Lalkhawpuimawia hmangin halftime dawnah goal an khung a. Hma erawh an hruai rei lo.
Aizawl FC tan R. Ramdinthara chuan an si phurh sut hmangin halftime-ah an inhnehtawk.
Second half tan tirah Chanmari in penalty an hmu a, Laldanmawia chuan penalty atangin goal a khung.
I-League team Aizawl FC in na takin goal an nawr chhunzawm. Mahse Chanmari an tang thei tlat.
An goalkeeper Zothanmawia’n hnehna an chan theih nan save tha a siam nual bawk.
Inkhel hmasa zawkah Chawnpui FC leh Mizoram Police 2-2 in an inhnehtawk a. An inkhel a hmuhnawm.
Chawnpui in Lalbiakzuala hmangin vawi hnih hma an hruai a. Hei hi Police in Lalrinzuala leh F. Lallawmkima hmangin second half-ah vawi hnih an sut.