Spastic Society of Mizoramin nimin khan Gilead Special Schhool, Bawngkawn, Aizawl-ah Internatio- nal Day of Sign Languages pualin hun an hmang a, Mizoram Larsap Dr Hari Babu Kambhampati te nupa in an hmanpui.
Zaizira inbiakna puala ni bikah hian thupui atan – ‘Bengngawngte’n khawi hmunah pawh harsatna nei lova zaizira an duh zawng te an sawi theihna khawvel’ tih chu hman a ni a. Larsap chuan Mizoram hmun hrang hranga pianph- unga rualbanlo te leh an nu leh pa te chibai bukin, kut zaizira inbiak pawh theih chu thil pawimawh tak a nih thu a sawi a. “Beng tha lo leh tawng harsat te tan chauh a ni lova, hn- am hrang hrang tawng inhriatsak lemlo te paw- hin inbiakna ata- na an hman theih leh inpum- khatna atan hmanraw tha tak a nih thu a sawi.
Larsap chuan sor- kar hmalakna leh Spastic Society of Mizoram thawhrimna leh inpek- na avanga zirna school danglam bik, Gilead Special School Mizoramah kum 30 chuang hlawhtling taka a lo kal chu ropui a tih thu a sawi a. He school-a Vocational Training Center leh Skill Development wing kaltlang- in zirlaite hnenah thiamthil an zirtir chu tha a tih thu leh he school atanga zirchhuak zingah themthiamna lam puanthui, carpentry leh eizawnna dangah te mihlaw- htling tak tak an awm ch- ho zel pawh hlawhtlinna ropui a nih thu a sawi.
Gilead Special Sch- ool hlawhtlinna kaw- nga theihtawp chhuahtute leh tuna he school enkawltute chu phurna thar nen, tan la chhunzawm zel turin Larsap chuan a chah a. Voh- bik naupangte puala zirna leh thiamthil kawhhmuhna hmun hi- an hma a sawn zel theih nan Larsap a nihnaa a tih theih te chu tih zel a tum thu a sawi bawk.
Larsap hian Gilead Special School Instagram account leh You- Tube channel a tlang- zarh nghal a. He social media account te hi mipui inzirtirna atan te, state chhung hmun danga vohbik naupang nu leh pate tan thil ta- ngkai tur inkawhhmuh- na atan tea siam a ni.