Germany chuan an football team manager ni turin Julian Nagelsmann chu kum 2024 July thleng contract an ziahpui.
Kum 36 mi hian Hansi Flick a thlak a, Flick hnuaiah hian tunhnaiah result an neih that loh avangin an ban a, tun thla tira Japan laka 4-1 a friendly inkhela an tlawm hnuah thutlukna an siam.
Nagelsmann hi March thla a Bayern Munich in a hna atanga an chawlhtir hnuah hna dang a la chelh leh lova, Bayern hi kum hnih a enkawl tling lo deuh.
Germany hi nakkum European Championship finals thlengtu tur an ni a, hei vang hian Euro 2024 qualifying an khelh ve a ngai lova, friendly inkhel hmachhawn thin turin inbuatsaihna an kalpui ang.
“Kan ramah European Championship kan thleng dawn a, hei hi thil danglam bik a ni. Mahni ram a thlen tuma hlawhtlin hi thil thleng fo a ni ngai lo.”
“He chona hmachhawn tur hian phurna lian ka tak ka nei a, hlawhtlin duh mi ka ni. Tuna kan team neihah hian inlungrualna nghet tak a awm bawk.” tiin Nagelsmann chuan a sawi.