Aizawl: Lengte khua chuan Inrinni khan Lengte Secondary, Samagra Shiksa School thar lawmna leh foundation stone laying hun an buatsaih a. Er. H. Lalzirliana, MLA, Mamit chuan khuallian niin hun a hmanpui a. Laldingliana, District Eduction Officer (DEO) chu khualzahawm a ni.
Khuallian chuan thusawiin Lengte khuain zirna school tha tak an nei ta chu thinlung taka a lawmpui thu sawiin, “He mi a hlawhtlin theihna atana khawtlang hruaitute, khawtlang mipuite thawhona, sorkar hotute thawhrimna chu a ropui tak zet a, hriatreng a ni tawh ang,” a ti.
Khuallian chuan, “Hripui vangin hun rei tak buaina tawk mah ila, Mizoram sorkarin ram leh hnam, khawtlang hmasawnna turin theihtawp a chhuah a. A bik takin Mamit constituency chhungah kan la hmuh ngai miah loh, zirna ahte, infiamna leh kan ni tin khawsakna kawnga min pui turin hmasawnna ruhrel lian tak tak din a ni thei hi a lawm tak zet a ni,” a ti a. Bialtu MLA a nihna ang leh sorkar ang pawhin Mamit constituency chhunga khaw awm zawng zawngte tan theihtawp a chhuah zel tur thu a sawi a ni.
Laldingliana, DEO, Mamit chuan Lengte Secondary School a din theihna atana hmalakna hrang hrangte technical report a pe bawk a ni.
Lengte Secondary School lawmna inkhawm hi Lalrinchhana, VCP, Lengte chuan a kaihruai a. Inkhawmna hman zawh a nih hnuah khawthlang huapin school thar lawmna ruai buatsaih a ni bawk a ni.