Premier League champion Manchester City in an result humhim turin theihtawp an chhuah a ngai a. Midfiedler Rodri chu second half tan tirah hnawhchhuah nimahsela 2-0 in Nottingham Forest lakah hnehna an chang thei.

Inrinni zana Etihad Stadium a inkhelah City hian first half-ah Phil Foden leh striker Erling Haaland te goal khung hmangin goal hnihin hma an hruai a. Dinhmun thaah an indah nghal.

Nimahsela second half tan atanga second 27 na lekah Spanish midfielder in red card a hmu.

Morgan Gibbs-White nen khelmual kila ball an inchuh hnuah Rodri hian a nghawngah a rek a, red card pek a ni.

Tam zawk an nih hnuah Forest in remchang lak an tum a, mahse City in goal venhim chu thupuiah neiin goal hlauhawm an siam tam lo.

City manager Pep Guardiola chuan, “Rodri-a’n a inzir phah ang, mahni inthunun zirna a ni dawn. Khelmual chhunga player awmte tan chuan fimkhur a ngai.” tiin red card chungchang a sawi.

Away-ah United an chak

Season bul an tan that loh avangin sawi an hlawh a, mahse a zawna vawi tum an tlawm hnuah Manchester United in hnehna an chang a, 1-0 in Burnley an hneh.

Turf Moor a inkhelah United in defender Jonny Evans-a ball pek duhthusam atangin Bruno Fernandes hmangin goal mawi an khung a. Hemi hma hian Evans goal khung pawm loh a ni.

Burnley in first half-ah kheltha zawkin United aiin awmze neiin football khel mahse goal an chhuah hnuah an tlahniam a. An si phurh an sut thei lo.

First half-ah Zeki Amdouni hmanga goal ban an tihper bakah United goalkeeper Andre Onana chuan save tha vawi engemaw zat a siam.

“Chak mamawh kan ni tih a chiang. A tir leh a tawp atangin kan kheltha hle.” tiin Erik ten Hag chuan a sawi.