Zunthlum natna hi enkawl ngun a nih loh chuan heng natna dang dangte hi a kaichhuak thei a ni. A tlangpuiin – Thisen zam natna, Kal natna, Mit natna, Thazam natna, Pum leh ril natna etc..
- Thisen zam natna:
Zunthlum natna hian thisen zam natna a tichhuak duh hle a, thisen zam lian leh a te hi a khawih buai a, tichuan thisen sang natna a tichhuak a, hemi avang tak hian lung lam pawh a tibuai a, lunga thisen zam (Coronary Blood Vessels) a tihbuai avangin thih thutna a thlen thei a, hei hi Saptawng chuan ‘Heart Attack’ an ti. Thisen zam a khawih khawloh thin avangin, taksa hmawr lama thisen zam that lohna a lo awm thin a, a bik takin ke lamahte pân dam thei lo ‘gangrene’ a tichhuak duh hle a, hetiang a lo nih tawh chuan ke tan mai loh chu a ngaihna a awm lo a ni.
- Kal natna:
Zunthlum natna veite hian zunthlum vei lo ai chuan kal lam natna an vei duh zual a, hei hi a chhan chu kala thisen zam awmte a khawih buai a, zun kawng natna a thlen fo thin a ni.
- Mit natna:
Zunthlum natnain mita thisen zam a tikhawlo thei a, chuvangin he natna avang hian mitdel hlauhna a thleng thei a ni.
- Thazam natna
Zunthlum natnain thazam a tikhawlo thei a, taksa (hmawr) leh ke a khawih buai thin. Ke a thizam a that loh chuan ke za te, ke pûn te an vei \hin a, a chang chuan na an ti em em bawk thin. Zunthlum natna vei ke chuan hliam a tuar awl em em a ni. Pum leh ril natna : Zunthlum natna avangin pum leh ril lamah pawh natna a thlen thei a ni. Thisen sang vei reng rengin zunthlum natna an vei kher loh pawhin inenkawl ngun a ngaih hle tho laiin zunthlum natna nena an vei kawp phei chuan inenkawl ngun a ngai lehzual em em a ni tih hriat tur a ni. Zunthlum natna leh mi buk rit nih kawp chuan mahni buk rih lam intihtlem hi damdawi tha tak a ni tih hriat tur a ni. Ei leh barah insum thin tur a ni a, exercise-te regular taka lak thin tur a ni.
Zunthlum natna veiin – ei lehin chungchanga insum turte:
1) Thil thlum ‘chini’ sweets, Ice cream, chocolates angte hiei loh tur.
2) Lei hnuai thlai, entir nan – alu te, pangbalte leh balte.
3) Suji, Maida, chow.
4) Bawnghnute leh bawnghnute atanga siam chhuah dhai, cheese.
5) Giu (ghee), butter, puri kan, paratha, singara leh pakora.
6) Thei chi hrang, thil thlum ngah chi entir nan- balhla te, grapes te, lichu te leh theihaite.
7) Artui chhungmu, vawksa, sathin, kal leh thluak sa reng reng.
- Ei theihte :
1) Siamchawp tih thlum entir nan- Saccharrin sweetex-te chini aia hman tur.
2) Thlai hring- um ei te, lett uce te, beans te, bawkbawn te, changkha te, bawrhsaiabe te, motor chana te, lamkhuang te, purun te, heng ang ho hi tlem te tea ei thin tur.
3) At ta ei thin tur , buh (chaw) ei a pawi lo va, mahse a tui-hnang paiha ei thin a tha.
4) Refined Oil entir nan saffolate, sunflower te chawhmeh kan nan hman thin tur.
5) Thei lamah chuan serthlum te, dawnfawh te, apple-te tam lo va ei thin a tha.
6) Sa lamah chuan sangha leh arsa-te hi ei a tha.
7) Zu in chungchangah hian fimkhur a ngai hle a, a chhan chu fimkhur taka in a nih chuan a pawi hran lo va, amaherawhchu a tha ber a ni lo a ni. Zu in hi pumruaka in a nih chuan t hisena thlum (glucose) a tihniam thei a, chuvangin fimkhur a ngai hle a, a hniam lutuk chuan nikhaw hre lova tluk tawpte pawh a awm thei. Zu in loh hi he natna vei tan a him ber a ni.
Zunthlum natna vei reng reng chuan ei leh inah a tam lamah insum a pawimawh hle tih hriat a tha, engpawh eiin in sela a ei tam emaw in tam emaw tur a ni lova, amaherawhchu eia in zin thung tur.
Exercise (Insawizawina): Exercise hi zunthlum natna vei tan hian a tha hle a ni. Exercise hian taksa buk rihna hi thauah a tihniam a, mi tizangkhai a. Hei vang hian thisen zam hnathawh a ti tha a, exercise hi a that rual rualin hriat tur chu a theih hram chuan pum ruaka tih loh tur a ni.