Feyenoord leh Ajax Amsterdam te inkhel zawh loh chu Nilaini tlai khan khelh zawh a ni a. Feyenoord striker hriam Santiago Gimenez chuan goal khung belhin 4-0 in an chak.
Pathianni zanah he De Klassieker inkhel hi minute 56-naah Johan Cruyff Stadium a Ajax fans lungawi lovin an titawp a. Khelmual chhungah halmawi leh thildang vawm lutin khelh chhunzawm a ni lo.
Buaina an siam chhunzawm zel avangin Nilaini a inkhelh chhunzawm tura thutlukna siam a ni a. Stadium chhungah entu mipui awm lovin an inkhel zo.
Pathianni khan Gimenez hian minute 18 chhungin goal hnih a khung tawh a, minute 37-naah Igor Paixao chuan goal a khung bawk.
Mexican striker hian minute 59-naah a goal thumna a khung leh a. Feyenoord player zinga Eredivisie inkhelah Ajax khelmual a hattrick siam hmasa ber a ni.