Season bul tan tha Stade de Reims in anni ang lo taka bul tan chhe tak Lyon lakah hnehna an chang a. 2-0 a chakin Reims hi pathumnaah an awm a, Lyon erawh table mawng berah an la awm.
Stade Auguste-Delaune-ah Pathianni zanah Lyon hian manager thar Fabio Grosso lalut mahse a hnuaia an inkhelh vawi hnihnaah hnehna an la chang thei lo.
Reims tan hian halftime dawnah Marshall Munetsi chuan goal hmahruai a tauh lut a, second half-ah captain Younis Abdelhamid chuan goal dang a tauh lut ve bawk.
Lyon hian match sarih khel tawhin point hnih chiah an la hmuh bakah goal thum chauh an la khung a, Ligue 1 chanchin a season bul an la tan chhiat ber tum an hmang mek.