Las Palmas in La Liga a an hnehna chan vawi hnihna ni turin Celta Vigo lakah an chak a, 2-1 in hnehna an chang.
Thawhtanni zana La Liga inkhelah hian Estadio Gran Canaria-ah Las Palmas in Celta an mikhual a. Rafael Benitez-a pawlte pawh hi season bul tan tha lo an ni a. Chak mamawh ve ve an ni.
First half-ah Celta in Jorgen Strand Larsen hmangin goal khung mahse VAR a endik hnuah pawm a ni lo.
Second half-ah Anastasios Douvikas chuan goal a khung a, mikhual lamin hma an hruai.
Mahse huntawp hma in Las Palmas in penalty an hmu a, Jonathan Viera chuan goal-ah khungin Marc Cardona chuan minute 97-naah an chakna goal ni tur a khung leh ta zawk a ni.