Australian Open chu nakkum a neih leh a nih hunah ni 15 chhung khelh a ni tawh dawn tih a buatsaihtuten an sawi.
Kumtir a Melbourne Park a inelna kalpui a nihdanah zan rei inkhel a awm hnem a, hei vang hian fixture inhnawhtawt lutuk chu a awm tlem zawk nan ni khatin an khel rei dawn.
Kumin tournament-ah British star Andy Murray chuan zing dar 4 a inkhelh zawh an nei chu a sawisel a. Hei vang hian ni khat dah belh ni tawhin January 14, Pathianni atangin an khel tan dawn a ni.
Tournament director Craig Tiley chuan, “Player leh fans te atanga kan thudawn kan ngaihtuah zui a, inelna dik leh intluk tak kalpui chunga hemi chungchang chinfel theih dan hi kan ngaihtuah.”
“Ni khat dah belh a nih hian fans leh player te tan pawh thil a hahdam sawt ang. First round hi ni hnih chhung ni lovin ni thum chhung a ni tawh ang.” a ti,