FC Goa in hnehna changin Indian Super League season thar an tan a, 1-0 in Punjab FC an hneh.
Thawhtanni zanah Fatorda Stadium-ah hian Goa tan Spanish striker Carlos Martinez chuan a inkhel hmasa berah goal a khung a. Goa hian inkhel thunun viau in goal shot vawi 18 lai nei mahse tlarhmaah an hriam tawk lo.
Hyderabad FC nena an inkhel tur sawn a nih hnuah Goa in league bul an tan a, Inrinni zanah Odisha FC an hmachhawn leh ang.
Punjab FC tan Mizo midfielder Brandon Vanlalremdika chuan inkhel bul a tan a. Anni hian Zirtawpni zanah New Delhi-ah NorthEast United an hmachhawn ve thung dawn.