A thil phalna leh mi khawngaih thei tak a nihna lantir lehin zaithiam lar Drake chuan a concert-neihna hmun tur kal hmâ lawka bialnu bansan tuartu chu $50,000 pek a tiam.
Miami khawpuia concert neih laiin, mipui zingah placard lian taka, “Ka bialnu hlui nena kan ticket tur lei nan sum khawlsa zawng zawng hman a ni a, dik takah pawi ka ti lo. A tan (bialnu) hlohna nasa tak a tling” tih inziak a lekchhuak.
Hei hi Canadian hitmaker hian hmu fuhin, a rilrunat leh a hlohna zawng zawng phuhrukna turin $50,000 a pek tur thu dawhsana tangin a hriattir nghal a ni.
Mipuiin an lo lawm thiam hle a, a bialnu hlui chetdan mak tak mai, concert en dawn a ruaia a kalsan daih si chu hrethiam lovin abialnu hlui tan tawngkam mawi lo leh duhawm loh tak tak an auchhuahpui. Hei erawh Drake hian khap daiin, tawngkam duhtui ve deuh turin mipuite a ngen nghal.