AZL: Aizawl DC Nazuk Kumar hovin nimin khan Mizoram Legislative Assembly inthlanpui 2023 lo awm tura Aizawl district chhung constituency 12-a candidate-te campaign senso chhutna atana hman tur thil man an bituk.
Inthlanpui neih tura campign-na atana senso awm thei tur hrang hrang – aurinna, pandal siam, flag, poster, banner leh hoarding, lirthei hawh man, ei tur leh riah man, hall leh thutthleng hawh man, etc bakah electronic leh print media-a fakna chhuah mante an bithliah a ni.
He hunah hian Addl. DC, Election Officer, Expenditure Observer te, DIPRO leh election official angte bakah political party hrang hrangte an tel.