TEd Sheeran-a’n album thar, ‘Atumn Variations’ hmangin UK number one a zawna ni thei album pasarih a nei ta chiah.
Hemi awmzia chu kum 2011-a debut album, ‘+’ atang tawh khan tuna a tihchhuah thar ber album thlengin UK album chart-ah a ler an thleng kim vek, tihna a ni.
Sheeran tan album thar ber hlawhtlinna hia a lawmawm ber hial awm e, a mah ngei pawhin a pha lo. ‘Award ka dawn zawn zawn ai pawhin ka tan hian awmzia a nei zawk,’ tiin a hlawhtlinna thar ber chungchang a sawi.
Lehlamah chuan, ama label atanga tihchhuah hmasa ber a ni lehzel hi atan lawmna a thuahhnih ngei ang.
‘Atumn Variations’ hi kumin 2023-a a tihchhuah album pahnihna a ni a, kum khata pahnih tihchhuah hi thil awlai lo tak a nih ruala a pahniha UK chart-a a hun laia ‘top’ kai pha tura a nawr chho thei zel hi thil mak leh ropui tak a tling.
Kum 32 mi Sheeran hian nikukm 2022 khan mimal harsatna neuh neuha tawng nual a, a thiantha tak takte’n mual an liamsan vanga hun eng emaw chen ‘depression’ in a bual nasat thu pawh tlang hriatah a lo puang tawh a, chuvang chuan kumina album pahnih pawh hi a thil tawn hrang hrangin a hrinchhuah a nih miau vangin a danglam lo thei lova, chutih lai kara hlawhtlinna duhawm tak tak an pe ve ve thei hi a chhinchhiah tlak a, Sheeran hian lungngaihna leh manganna karah pawh lawmna tur tam tak a nei a ni.