Maharashtra sorkarin Shah Rukh Khan chu Y+security a pe ta a, thah a vauna dawn hnu ah Mumbai police te chuan SRK venhimna hi khauh zawka kalpui a nih thu an sawi.
Engti ang takin nge SRK hian vauna a dawn a, a hlauhawm dan chiah tih erawh puan zar a ni lem lova, Maharashtra State Intelligence Department (SID) chuan police commissioner zawng zawng hnenah hriattirna pechhuakin, special protection units (SPUs) te’n SRK hi Y+ security pe nghal turin a hriattir bawk.
Heti anga hmanhmawh taka security khauh zawk pek anihna ah hian high-power committee-in thil awmdan leh thlen dan uluk taka an ngaihtuah ho hnu-ah heti ang hian thutlukna rang tak an siam.
Y+ category-ah hian Bollywood superstar hi security mi 11 in an veng reng dawn a, hetah hian commando paruk awmin, police pali leh traffic hmahruai lirthei pek a ni a. Mannat, Mumbai-a an chenna In chhehvelah police an duty reng bawk ang