US Open hmeichhe champion Coco Gauff leh French Open champion Iga Swiatek te chuan thla thar a khelh tur Billie Jean King Cup finals an khel dawn lo.
Billie Jean King Cup finals hi Mexico a WTA FInals an khelh zawh atanga ni hnih hnuah Spain-ah khelh a ni dawn a. United States team-ah hian WTA Finals a Gauff ang thova singles leh doubles a inlan tur world number four Jessica Pegula pawh a tel lovang.
Kumin WTA Finals khelhna tur hi September thla tir khan tihchian a ni chauh a. Billie Jean King Cup finals khelhna tur Seville tihchian a nih atang thla li hnu daihah a nih avangin player-te tan hun a chep hle.
Hetihlai hian Elena Rybakina bakah Marketa Vondrousova leh Karolina Muchova ten khelh kawp an tum.