Assam-ah chuan hmeichhiate chu khawlaiah chauh an him lo lova, inchhungah pawh an him lo. Hmeichhia, pasal nei tawhte him lohna ber chu Assam a ni a, ni tin pasalten an sawisak avanga thubuai 32 ziah luh ziah ang a ni a, nikum chhung khan hetiang thubuai hi Assam-ah hian 12,000 chuang ziah luh a ni.
Kum tinin India ramah hian inchhunga hmeichhiate kutthlak leh an tawrhna case ziah luh hi a pung a, kum hmasa a khum zel a. Assam Police pawhin an state-ah a pung nasa em em tih an sawi a, kum 2005-a thubuai chauh ziah luh kha kum 2022-ah chuan 11,999 a tling tawh tih an sawi a. Kum 2021 khan 10,580 ziah luh niin 2020-ah 9327 a ni tawh bawk.
Police-te chuan thuamchhawm thu-hla avanga thubuai pawh a pung tih an sawi a.”Kum 2022-ah hian hmeichhia 166 chu an pasal leh an chhungten an thuamchhawma an lungawi loh avangin an that,” an ti a. Hetiang thubuai hi Assam-ah hian a pung nasa a, kum 207 leh 2020-a thubuai 150 ve ve awm chu nikumah 166-ah a kai tihna a ni
Kum 2021-a Assam Women Commission-in zirchianna a neihah chuan hmeichhia 83.7%, a bikin thingtlang lama mite chu an pasalten an sawisa thin a ni.