Aizawl : Lawngtlai-ah Dy. District Election Officer Abraham Bei- razi Khithie-a’n MLA inthlan lo awm tur chungchangah thuthar thehdarhtute kawmin, MLA inthlanna neih hun tur ECI-in a puan tawh avangin ECI inkaihhruaina hnuaiah political party, sorkar hna- thawk leh mipui zawm tur thuchhuah hrang hrang siam a nih thu a sawi a. Inthlan chung- changa thil hriat fuh loh avanga buaina leh harsatna a thlen loh nan mipui zirtir kawngah thuthar thehdarhtute chu thawhhopuiah a sawm.
Dy. District Election Officer tawiawmtu El- ection Officer Denny Lalchhuanawma’n Lawngtlai district-a po- lling station 181 awmah duty tur mi 907 ruahman an nih bakah – Expenditure Monitoring Team, Media Certification & Monitiring Te- am, Flying Squad Te- am, Static Surveillance Team, Video Surveillance Team, Video Viewing Team leh Account Team-te din a nih thu a sawi a. Polling station tinah voter ten harsatna an tawh loh na tura mamawh hrang hrang (Minimum Assured Facilities) chhawp tura hmalak a nih thu a sawi bawk.
DIPRO Hmingthanzuala pawhin inthlan hun puan a nih atangin Electronic media hma- nga political advertisement chhuah tur te reng reng chu media certification an lak hmasak a tul thu sawiin, chanchinbu-a political advertisement chhuah te pawh candidate emaw political party expenditure-ah chhinchhiah zel a nih tur thu a sawi.
Lawngtlai district Dy. District Election Officer chuan inthlanna felfai leh thianghlim a awm theih nan chanchinbu kaltlanga Model Code of Conduct chung- chang political party leh mipui nawlpui hnenah zirtirna kalpui dan tura ruahmanna awm te a sawi bawk a ni.