Aizawl: Mizorama tlawmngai pawl leh political party-ten Mizoram assembly inthlanpui vote chhiar hun sawn turin Election Commission of India (ECI) an ngen.
Central YMA huaihawta nimina NGO leh Party aiawhte thukhawmin an rel angin nimin khan ECI-ah ngenna an thlen a, a lehkha copy hi Chief Electoral Officer ( CEO), Mizoram hnenah an pe bawk a, an lehkhaah chuan vote chhiar hun sawna Pathianni leh Inrinni ni lo, ni dang ruat tura an ngenna an ziak.
Lehkhaah hian party hrang hrang – AAP, BJP, MNF, MPCC, PC, ZNP, ZPM Party leh NGO hrang hrang – CYMA, MUP, MHIP, MSU, MZP President theuh te’n hming an ziak a ni.