England Under 21 in tun nipui a European Championships a an champion hnua an muala an inkhel leh hmasak berah goal kua an khung a. Euro 2025 qualifying-ah 9-1 in Serbia an hneh.
Nottingham a The City Ground a inkhelah hian England a inkhelh hmasak berah Jaden Philogene chuan goal hnih a khung a. Liverpool midfielder Harvey Elliot leh Noni Madueke te pawn goal hnih ve ve an khung.
England tan hian Manchester City forward Liam Delap bakah Jonathan Rowe ten goal an khung a, Luka Subotic chuan an lamah a ti lut bawk.
Lee Carsley-a pawlte hian an group-ah match hnih atang a vawi hnih nan hnehna an chang a. An squad-ah hian Georgia a tun nipui a champion squad a tel player pasarih chiah an awm chungin theihna sang tak an nei tih an lantir a. Aljosa Vasic chuan goal hmahruai khung mahse an tho leh chiang hle.
Thawhtanni hian England Under-21 hian Slovakia-ah Ukraine an hmachhawn leh ang.