MNF Adviser Lalruatkima chuan MNF-in Mizoram an tih chu Zofa, hmun hrang hranga thendarha awmte luah chin ram a nih thu a sawi.
Zirtawpni khan Pachhunga University Post Graduate Students’ buatsaihin ‘Young Voters’ Education and Political Talks Seminar’ neih a ni a. He hun hmanpuitu Lalruatkima chuan MNF chu Mizoramin zalenna famkim a neih theihna turte, hnam a him a sakhua a him theihna tur beitu an nih thu sawiin, “Zofate hmun hrang hranga thendarha awmte rorelna pakhat hnuaia kan awm leh theihna tura beitu leh hmathlir neitu kan ni. He hnam dotu apiang hmachhawnin Zofate tan theih tawp chhungin hma lam kan pan zel ang,” a ti.
He seminar hi Lalthlamuana Ralte, Head, Department of Economics-in a kaihruai a ni.