- Lallunghnema, Charity Lodge
Expiry Date a pelh tawh hi chuan thil eng pawh hi a tha lo satliah mai lova, hriselna atan a hlauhawm a.Mihring nunna atan a hlauhawm tel bawk a ni.Dan bawhchhiatna a ni a.Dan bawh chhia chu lungin thlenga tantir theih a ni.Chuvangin expiry date-ah hian mitin kan fimkhur a tul hle a ni. Tun tuma kan thu rawn chhawp chhuah atang pawh hian kan fimkhur a tul zia chu kan hre thei mai awm e..
DMart Company cheng nuai khat chawitir thu atang hian i inzir ang u.Times of India ni 23 October chhuakah chuan hetiang hi kan chhiar a,’Retailer,Food Company Fined Rs 1L for sale exired item,’ tiin.
Khawpui lar tak Gandhinagar a cheng, Pankaj Adhir Rs 130/- in taksa tih chakna in tur chi bur hnih a lei a.Bur pahnih kawr(stricker) ah hian expiry date inang lo ve ve ziah lan a ni a.Chumi awmzia chu ei tur siam chhuah atanga chhiara thla 6 vhhunga ei emaw in emaw zawh vek hman tura buatsah a ni thin a.Mahse,heta Mall kan sawi tâk leh DMart Companyte hian exiry date ral hnuah an thil hi an hralh a ni.
A tawi zawngin sawi leh ta mai ila, Gandhinagar District Consumer Redressal Commission hmaah an inkhing ta a.He Mal leh DMart hi deficiency in service leh unfair trade practice tia puh thluk an ni a.Cheng nuai khat an chawi dawn ta à ni.50% ve vein an inchawi sem ang.
Consumer Commission hian Judgement Order a tihchhuah bakah hian FCS&CA,H&FW,Commissuin of Food & Drug Control Administration leh CEO, FSSAI -te chu expiry date chungchangah chak zawka hma la turin a hriattir nghe nghe a ni
Tunlai khawvelah chuan ei rawngbawl nan thuka mei tuah aiin Gas deuh vek kan hmang ta a. Ei rawngbawlna Gas chungchangah hian hriat tur tam tak a awm a, chung zinga a tlangpui leh mipui nawlpui tana pawimawh chin te tarlan lo tum dawn ila.
Sawrkar laipui Ministry of Petroleum and Natural Gas-in an enkawl Indian Oil Corporation (IOC) chuan Ei rawngbawlna Gas kan tih mai LPG hi ‘Indane’ tih hmingin mipuiah a hralh chhuak thin a, LPG hi a lampum chu Liquefied Petroleum Gas tihna a ni. LPG Connection hmasa ber chu ni 22 October 1965 khan Kolkata-ah pek chhuah a ni. Hemi kum hian connection 2000 vel lai pekchhuah a ni nghe nghe a ni. Tunah phei chuan ram pumah Indane Gas connection hi nei an tam tawh hle a, connection an pek chhuah hi vaibelchhe 16 dawn a tling tawh a ni. Indane hi khawvela LPG Brand lian ber te zinga mi a ni.
LPG te hi a nihna takah chuan rawng nei lo, rim pawh nei lo a ni a. Mahse ei rawngbawl nana hman a nih avangin a leak palh a awlsam taka hriat hran a nih theih nan a rim hi a hnu a an telhchawp a ni. Heng LPG te hi mipui nawlpuiin ei rawngbawlna atana kan hman theih nan Public Distribution System kaltlangin mipuiah semchhuah thin a ni.
LPG te hi ei rawngbawlna atana hman chi (PDS) leh thilsiamna hmun leh thil danga hman chi(non-PDS) te a awm a. Heng hi thliar hran a nih theih nan inchhunga hman chi chu a burah rawng sen kah a ni a, thil siamna leh hmun danga hman chi chu a bur rawng chu a pawlduk hman a ni thing.
IOC te chuan LPG chu ram chhung hmun hrang hrangah an Distributor te kal tlangin an sem ta thin a ni. IOC- ina Ei rawngbawlna Gas a semchhuah hi chi hrang hrang a awm a, a bur a zirin a rih dan a inang lo nual a Kg 5, Kg 14.2, kg 19, Kg 47.05, Kg 425, Composite Kg 5 leh kg 10 te a awm a, mipui nawlpui ina connection kan neih(PDS) ho hi chu kg 14.2 a ni tlang pui. Composite kg 5 leh kg 10 te hi Smart Cylinder an tih, tunhnaia an siamchhuah thar a ni.
- Thu lakna:- thianpa Dinpuia of Serchhip.