Lawngtlai District Election Officer Joseph H. Lalramsanga’n MLA inthlan lo awm tur chungchangah Inrinni khan Lawngtlai-ah thuthar thehdarhtute a kawm a. Election Commission of India-in MLA inthlan kalpui dan tura hun a bituk anga inthlan kaihhnawiha duty tur te training tha taka pek an nih thu a sawi.
DEO chuan polling station hrang hranga hman tur Electronic Voting Machine thliar- na hmasa, 1st randomisation kalpui a nih tawh thu sawiin, MLA inthlanna a Lawngtlai district chhunga Assembly bial 3-a chuh tura hming pelut zat mi 13 an nih thu a sawi.
Polling station hrang hrangah Assured Minimum Facilities, tui in tur thianghlim, kaw- lphetha thlun zawm, inthiarna mumal leh Wheelchair kal theihna tur kailawn a awm theih nan hmalak mek a nih thu pawh DEO chuan a sawi a. Polling station 181-a zaa 90 ah chuan inthlanna neih hma a ruahman fel hman beisei a nih thu a sawi.
Inthlanna felfai leh thianghlim kalpui a nih theih nan thlithlaitu, General Observer, Security Observer leh Expenditure Observer-te pawh Lawngtlai district an thlen tawh thu sawiin, inthlan kaihhnawiha hriat chian duh nei te tan an biak pawh theih reng thu a sawi.
Inthlanna rintlak kalpui a nih theih nan kawng hrang hrang a inpuahchahnate hriatpuitu ni turin DEO chuan political party aiawhte leh thutharla- khawmtute chu tel thin turin a chah a,. Inthlanna chu khawtlang, ram leh hnam tana buatsaih a nih angin mipuite pawh vote thlak ngai pawimawh turin a chah bawk.
MLA inthlanna kalp- ui tura sorkar hnathawk mawhphurhna nei te pa- wh mawhphurnate ngai- pawimawh tura chahin, training-te ngaipawimawh tur leh mahni chanpual mawhphurhna theuhte tha taka hlenchhuak turin a chah bawk a ni.