Rawlthar striker Marc Guiu chuan Barcelona tana a inkhel hmasa berah chakna goal a khung a. Second half ah Athletic Bilbao lakah goal khungin 1-0 in an chak.
Pathianni zana Camp Nou a inkhelah Xavi Hernandez-a pawlte hliamin a tibuai nasa a. Frenkie de Jong, Pedri leh Robert Lewandowski te an inkhel lo.
Barca in chance tha insiam an harsat a, first half-ah Joao Felix-a’n crossbar a tih per tih loh chu chance tha an ngah lo.
Second half-ah erawh team hlauhawm zawk an ni a. Midfielder Fermin Lopez la chhuak a kum 17 mi Guiu dah luh a nih hnu lawkah an chakna goal a khung a ni.
“Min chhaihbuai nasa dawn tih kan hria a, an inkhel a fakawm hle. Kan tan kan duhdan anga inkhelh a harsa a, mahse chak phu zawk an awm chuan keimahni a ni ang.” tiin Xavi-a’n a sawi.