MLA inthlan lo awm tura inbuatsaihna kal mekah nimin kan Kolasib district-a MLA bial pathuma in- thlan chuhtu candidate-te, an election agent-te leh expenditure agent-te tan election expenditure training buatsaih a ni.
Kolasib District Ele- ction Officer John LT Sanga leh Kolasib District Expenditure Obse- rver Karni Dan te bak- ah ARO Cheemala Siva Gopal Reddy leh Election Officer Christina Lalmuanzuali ten he hun hi an hmanpui a. District Level Master Trainer, Assistant Expenditure Observer Kolasib bial, Tuirial bial leh Serlui bial ten election expenditure chung- changa hriat tur pawimawh hrang hrang an zirtir a. Inthlan campaign nana sum hman chungchang leh inthlan kaihhnawih thil chi hr- ang hrang chungcha- ngah zawhna leh chh- anna leh sawihona hun an hmang bawk.
Tarlan tawh thin angin, ECI chuan kumina Mizorama MLA inthlanpui buatsaih tur- ah candidate tin chu inthlan campaign senso Rs. nuai 28 thleng hman a phalsak a. Candidate tin chu inthlan kaihhnawiha an hman tur designated bank account hawntir vek niin, inthlan chuh tura hming an pek luh aṭangin candidate-te chu campaign-naa an sum hman dan uluk taka chhinchhiah leh vil zui reng an ni.
Serchhip-ah pawh nimin vek khan District Election Officer David Lalthantluanga hovin Serchhip district-a ML- A bial pathuma candidate agent te training pek an ni a. Hriatthiam loh lai inhrilhfiahna leh Election Commission in zawm ngei ngei tura dan a siam hrang hrang te an inhrilh nawn. He hun hi General Obser- ver V. Sampath pawhin a telpui bawk.
General Observer chuan political party leh Independent candidate aiawh te chu inthlanna felfai, thianghlim leh huapzo a awm theih nan thawhhopuiah a sawm a. Chan tha bik leh duhsak bik awm lova intluktlanga candidate tin ten inthlan an hmachhawn theihna tur in Election Commission of India chuan Mizoram pawn atangin officer te Observer turin a tir thin tih sawiin, kal- khawm te chu hriatthiamloh leh zawhna an neih apiang amah chu zawhfiah theih a nih thu leh Serchhip Election Office a thawktute pawh englai pawha zawhfiah theih reng an nih thu a sawi.
Training-ah hian Hr- angturzo bial RO Lalnu- ndika leh Tuikum bial RO HD Lalpe-k mawia ten Model Code of Conduct leh expenditure va- wn dan tur chungchang an sawifiah a. Serchhip bial ARO Rebecca Laldinmawii Hrahsel-in inthlan kaihhnawiha cadi- date leh an agent ten an hriattur pawimawh lang- sar zual a sawifiah a. Media Certification and Monitoring Committee Member Secretary Lalnunmawii’n pamphlet, banner, flag tar phalna dil dan leh electronic media kaltlanga political advertisement tih phalna dil dan a sawifiah bawk.
Nimin vek khan Hnahthial-ah polling offi- cial te training buatsaih a ni a. Kum upa leh rualbanlo ten polling station pan ngai lova postal ballot hmanga vote an thlak theihna tura ruahmanna chungchang an zirho.