Mizorama MLA inthlan lo awm turah voter tam thei ang berin vote an thlak theihna tura hmalakna pakhat atan nimin zingkarah khan Mizoram Cycling Association (MiCA) te nen tanghovin SVEEP (Systematic Voters Educatipn and Electoral Participation) Aizawl district Cycle Rally buatsaih a ni a. Mi 85 vel chu Thirsakawr hmangin Van- apa Hall kawt atanga AMC Office, Thuampui thleng an tlan.
Aizawl DEO, Ba- wrhsap Nazuk Kumar chuan rally hi vailiamin, India ram chu mipui rorelna democracy ram a nih angin ram inrelbawlna chu mipui kuta a innghah thu leh chumi atana hmanrua chu vote thlak a nih thu a sawi a. Chu vote hlutna chu hre thar leh a, ram inrelbawlna atana mipui mawhphurhna chu hlen theuh turin mipuite a chah.
Rally-ah hian tuntum inthlan atana Police Observer atana ruat Ajay Kumar Nand pawh a tel a. Inthlanpui awmze nei tak leh mipuiin an dikna chanvo vote thlak an tihhlawhtlin ngei theih nan SVEEP chuan kawng hrang hrangin hma a la tawh a. Inzirtirna leh inhrilhhriatna tam tak lo kalpui tawhin, hmachhawp engemawzat a la nei bawk a ni.