Milwaukee Bucks star Giannis Antetokounmpo chuan kum thum contract a ziah belh tih a agent in a sawi.
Greek star kum 28 mi hian contract pawhseina a ziah avang hian kum 2027-28 thleng Bucks tan a khel thei dawn a, a kum hnuhnung ber hi hmang turin duhthlanna a nei dawn bawk.
A kum thum contract ziah belhna hi Dollar maktaduai 186 man hu a ni a, a ziah belh avang hian kum 2025 season tawpah free agent a ni dawn lo tihna a ni a. An guard lakluh thar Damian Lillard nen hun rei zawk an khel dun thei dawn tihna a ni.
NBA Most Valuable Player vawi hnih ni tawh Antetokounmpo hian NBA in dan thar a kalpuiah kum 2026 hian contract rei lo zawk a ziah belh thei a, kum 2028 hian kum li contract ziah belhna a ziak leh thei bawk ang.
Milwaukee hian Philadelphia 76ers hmachhawnin Zirtawpni zingah season an tan ang.