Thla liam ta August khan inngai chhoin, an inzui tan kha a ni a. Amaherawhchu, an hna lama buaina ve ve vangin BLACKPINK Jisoo leh actor lar Ahn Bo-hyun te chu an inthen fel.
Jisso-i agent, YG Entertainment chuan hemi chungchangah hian thuchhuah meuh siamin, thla thum vel an inzui hnu-ah inthen zai an rel ta a ni, a ti.
An inthen chhan bul berah chuan mahni mual muala buai em em a, hun awl nei lo ve ve an nihna kawngah an inkarah hian harsatna neuh neuh a piang chho a, inhmu hlei thei lo leh inbe zui tak tak thei lo an nih vangin Jisoo leh Ahn Bo Hyun te hi an inthen zui ta mai a ni.
Ahn Bo-hyun hi actor lar leh model sawi hat hat tling niin, 2007 atang khan entertainment industry a dai lut tan a, model anga a inlanna leh film lama a chetna te pawhin hriat a hlawh hle.