Serchhip district-a MLA bial pathum- ah hmeichhia ten vote thlak pawimawh zia an hriata, hmeichhe vote thlak an tam theihna tura hmalakna kawnga thawkho turin Serchhip Election Office leh Serchhip Sub-Headquarters MHIP in thawhhona thu an thlung a, thuthlungah hian DEO David La- lthantluanga leh Serchhip Sub-Hqrs. MH- IP President Liantha ngi ten hming an ziak.
MHIP leh DEO inremna hi Systemic Voters Education and Electoral Participation (SVEEP) kaltlanga ruahmanna niin, SV- EEP Nodal Officer Lalnunmawii leh Dr. Zarzosanga te nen MHIP hruaitute chu hmalakho dan tur ng- aihtuahin an thukh- awm nghal a. MHIP Sub Headquarters, Serchhip-in Executive Committe-a an pass hnuah an inremna ang in hma an la chhunzawm dawn a ni.
MHIP Sub Headquarters, Serchhip hnuaiah branch hrang hrang 83 a awm a. Serchhip-a MLA bial 3 ah heng MHIP branch hrang hrang te hi an inzarpharh a. He inremna ang hian M- HIP te chuan an bra- nch kaltlangin hma an la ang a, social media hmang te, veng chh- ung chanchinbu kaltlang te, veng chhung information mike kaltlang tein hmeichhe voter te vote thlak tul zia an zirtir thin dawn a ni. Heng bakah hian MHIP branch tin te hian anmahni remh- riat dan anga hma la turin zalenna an nei a, vote thlak ni thlengin awareness campaign hi an kalpui ang.
Inremna angin bra- nch tin te an inel anga. Zaa 80 vote tlakna bra- nch-in consolation prize an dawng anga. 85% chin chunglam vote tlakna branch te zingah a ti tha pakhatna atanga pathumna lawmman siam a ni ang a. 90% vote tlak- na branch an awm a nih chuan Special Prize siamsak an ni dawn bawk .