Kumin quarter thumna (July-September) inkar a Spotify-in subscriber maktaduai tam neih belh a, sum a siam hnem laiin, hla lar vak lo te’n royaliy atangin engmah hlawkna an tel tawh dawn lo.
Swedish streaming service lian tak hian July atanga September inkar khan man chawi a subscriber maktaduai 6 chuang a neih belh a, ti hian a pumpui anga spotify man chawi a ngaithlatu maktaduai 226 an tling ta a ni.
Hei hi ruahman leh beisei lawk ai dahin a sang a, maktaduai 224 vel nei thei tura chhut ni mah se, a takah chuan nasa takin an pun belh thung.
Spotify hian sum leh pai hlawkna namen lo a ruh chhoh mawlh mawlh mek lai hian royalty system leh track de-monetize chungchangah siamthat tur chhawpchhakin, royalty pool atanga 0.5% vel bak hmu ngai lo leh play hlawh hlawl lo hla te chu sum a pe tawh dawn lova, kumthar atangin khauh takin a kalpui ang.