Election Commission of India (ECI)-in ruahmanna a siam angin Serchhip district chhung assembly constituency pathuma kum 80 chung lamte leh rualbanlote chu an chenna inah kalchilhin, nimin khan vote thlaktir tan an ni.
A thawhkhatna atan Serchhip district chhung Assembly Constituency pathum – Serchhip, Tuikum leh Hrangturzo huam chhung khua leh veng hrang hranga kum upa, kum 80 chung lam leh rualbanlotete chu Election Polling Team ten an chenna inah kalchilhin vote an thlaktir tan.
Kum 80 chung lam leh rualbanlote tana vote thlakna thawh khatnaah hian Serchhip District Election Office atangin Polling Team parukte chuan Polling Equipment famkim nen District chhung Assembly Constituency pathuma veng leh khua hrang hrang tuamin, Polling Team-ah hian Election Presiding Officer, Polling Officer leh Security bakah an kalna area-a Booth Level Officer(BLO) an tel a ni.