Saitual Bawr- hsap, Dist Election Officer Dr Lalngura Tlau-in nimin thuthar thehdarhtu- te a kawm a. Saitual district in MLA inthlan a hmachhawn tur atana Saitual Dist inpuahchahna hrang hrang te a hrilh.
EVM/VVPAT commissioning chu nimin zi- ng kar atanga neih tan ni- in, vawiin thlenga neih tura ruahman a nih thu a sawi a, Khawl thenkhat tha lo awm thin mahse, a khawl lo thleng a thathnem avangin an indaih tawk a beisei thu a sawi.
October ni 21 ah Candidate scrutiny neih a nih thu sawiin, candidate te chuan scrutiny an paltlang vek thu a sawi a. Scrutiny paltlang te chu avaiin candidate 11 an nih thu Sai- tual DEO chuan a sawi.
Gen observers, Police leh expenditure observers te pawh an thlen kim tawh thu sawiin, an hna tur te pawh ngawrh taka an thawh tan nghal thu a sawi a. Training chung- chang pawh sawiin, October ni 18 leh ni 24 ah PO thenkhat, training hm- asa a tel remchang lo te tan training neih a nih thu sawiin, training vawihnihna pawh October ni 30 leh ni 31 ah PRO te tan ruahman a nih thu a sawi.
Postal ballot chungc- hangah vawiinah postal voting centre hawn tan tum a nih thu DEO chuan a sawi a. Saitual dist MLA bial-ah service vo- ter 521 awmin, home voting ti tur 156 an awm a, heng hi hmalakna kalpui tawh a nih thu a sawi.
Dr Lalngura Tlau chuan inthlan felfai tak neih a beisei thu sawiin, an theih ang chin tawk ah inpuahchahna ang ang te an neih tawh thu sawiin , Observers, RO, Nodal Officers leh police lam te nen pawh thawhhona tha tak an nei mek a ni, a ti.
Saitual Dist ah MLA bial pathum – Tawi, Chalfilh leh Lengteng a awm a. Candidate 11 awmin independent candidate an awm lo. DEO hi Election Officer leh DIPRO in an tawiawm a ni.
Nimin vek khan Kha- wzawl DEO K. Lalrohlua’n thuthar thehdarhtute kawmin MLA inthlan lo awm tura an hmalakna te a sawi a. October ni 21, 2023 Nomination paper endik niin, candidate ai- awh te an tel thu sawiin. Tuichang biala hming pe- lut mi pali te nomination endik a nih hnuah pawm vek a nih thu a sawi.
Inhnuhdawhna hun hawnah inhnukdawk an awm loh avangin candidate pali – C. Lalhriatpuia (INC), Tawnluia (MNF), W Chhuanawma (ZPM) leh Lalhmunsiami (Independent) an awm dawn tih DEO chuan a sawi.
Expenditure observer hova training tawh thu sawiin, EVM/VVPAT randomization pawh ECI ruahmanna anga kalpui a nih thu a sawi a. Polling official randomization pawh ECI duh dan anga kalpui a nih thu a sawi.
Candidate Expenditu- re endik pawh kalpui zel a nih chu a sawi a. Postal ballot chungchang-a hriat tur leh hriattur pawimawh dang a sawi bawk.