Aizawl : MLA intlhan lo awm tura hman tur EVM te chu nimin khan district hrang hrangah buatsaih fel a ni a. EVM (control unit + ballot unit) leh Voter Verifiable Paper Audit Trail (VVPAT) hman tur thliarfel (randomise) tawh sa chu EVM engineer ten hman theih turin an buatsaih a ni.
EVM buatsaih fel vek a nih hnuah candidate-te hming chhut luh niin, a kal dik leh dik loh enfiah leh vek a ni a. Vote thlak na atana hman theih tura peih felfai a nih hnuah khawih danglam theih tawh loh tura seal hmanga uluk taka char niin, dah that nghal zel a ni bawk.
EVM commission-naah hian General Observer, Returning Officer-te leh election official dangte bakah, political party ai awhte pawh an tel a. EVM buatsaih fel sate hi a dik ngei a ni tih finfiah nan vote thlak chhin zel a ni.