All-NBA guard vawi sarih ni tawh Damian Lillard chuan NBA chanchin a a vawikhatna atan team thar tan a khel a. Milwaukee Bucks tana a khelh hmasak berah a che tha nghal.
Zirtawpni zingah Philadelphia 76ers in Fiserv Forum an tlawh a, Bucks hian 118-117 in hnehna an chang.
Milwaukee hian Philly lakah hian point 19 zet a hma hruai lai nei mahse an inpawhthlaktir leh hman a, mahse a tawp lamah tha thawh leh an tang a, point khat in an chak.
Kum 11 chhung Portland Trail Blazers tana khel tawh Lillard hian point 39 score in assist vawi li a nei a. 3 points vawi li a lut.
Bucks tana a inkhel hmasa ber a point score hnem ber record a siam a, kum 1984 a Terry Cummings-a’n point 34 a score chu a khum.
“Team thar tana khel ka ni bawk a, season bul boruak ka tan a danglam hle. Tunah chuan mikhual ang ka la ni a, mahse tupawh mai hian helai hmunah hian min lo dawngsawng tha em em a, hei vang hian ka inbengbel thuai ang.” Lillard chuan a ti.
Inkhel dangah tun season a West lama Playoffs a thleng thui tur zinga chhiar tel pahnih Phoenix Suns leh Los Angeles Lakers an inkhel a, 95-100 in Lakers an chak.
crypto.com Arena ah Lakers tan Anthony Davis chuan point 30 leh rebound 13 a score a, point 21 score tu LeBron James chuan fourth quarter-ah point 10 a score chu Lakers tan chakna pawimawh a ni.