ICC Men’s Cricket World Cup a England beiseina a beitham sawt ta hle a. Sri Lanka lakah an chetsual leh avangin tlak hmabak an ni tawh.
Ningani zana Bengaluru a M.Chinnaswamy Stadium a inkhelah champion lai hian wicket riat in Sri Lanka an hneh lova. Chhiarkawp danin an tan tlin theihna la awm mahse an match hmabak pali ah hnehna an chan vek a ngaih tawh bakah midang result-ah an innghat tawh.
Vuak thlang England in over 33.2 bak daih lovin run 156 bak an siam lova, run 43 siam Ben Stokes chu run siam hnem ber a ni.
England in batting-ah bul tan chhe lo mahse wicket an hloh zing a. Sri Lanka in over 5-naah batsman pahnih hloh hman mahse Pathum Nissanka leh Sadeera Samarawickrama ten run 77 leh 65 siamin a tawp an thleng a, over 25.4 ah run 160 an siam.
Sri Lanka in hnehna an chan avangin semi-final beiseina an la ti nung ve bawk.
- Match Summary
England 156 (33.2 Overs)
Jonny Bairstow 30 (31)
Ben Stokes 43 (73)
Angelo Mathews 2/14 (5)
Lahiru Kumara 3/35 (7)
Sri Lanka 160/2 (25.4 Overs)
Sadeera Samarawickrama 65* (54)
Pathum Nissanka 77* (83)
Chris Woakes 0/30 (6)
David Willey 2/30 (5)