Combat sport a khawvela fighter ropui pahnihte boxing ring chhungah an intawng a. WBC heavyweight champion Tyson Fury chuan UFC heavyweight champion hlui Tyson Fury chu sawi zui hlawh takin split decision in a hneh.
Pathianni zinga Saudi Arabia a inhnekah kum 37 mi Ngannou hian round thumnaah Fury hi a kut vei lamin chiang takin a hnek tlu a. Heavyweight boxer tha ber nia tam takin an ngaih Fury lakah Ngannou a talbuai lo a ni mai lova, Fury chu fing taka nawr buaitu ah a tang fo.
Round ngana atangin Fury-a’n hnaihchilh lo mahse a chet ran leh hnek thui zawk vangin inhnek a kaihruai zawk a. A tawp erawh Ngannou bawkin a khar tha.
Judge te erawhin Fury hi 94-95, 96-93, 95-94 in split decision in an chak tir ta tho. “Khatiang tur kha a ni lova, kan beisei ang a ni lo hrim hrim. A hnek a na a, hnek fuh a har bawk. A boxing thiamna leh tlo na dah hniam theih a ni lo. Kum 10 chhunga ka inhnek hautak ber a thlentir.” tiin Fury-a’n a fak.