Khawvela thisen vâng tak mai, Bombay Blood Group unit hnih lek, Davanagere blood bank-a an lo dah that chu mel tam tak zinpui a nih hnuah Myanmar-a a mamawhtu tak hnen a thleng a, hmeichhe pakhat, lung an zaisak a chhanhim phah.
Yangon General Hospital, Myanmar chuan he thisen hi an mamawh a, a dawngtu tur leh a pe theitute hi inzinpawh mai theih a nih loh avangin courier-ah 2-8 degree celsius inkara vawng chunga thawnin ni thum hnuah an tumna an thlen thei a ni.
Bengaluru-a awm, Sankalp India Foundation chuan hetiang thisen vâng tak mai hi tul bika hman turin a la khawm thin a. Anni hian Myanmar atangin dawrtu an nei ta a. Sankalp India Foundation-in BombayBloodGroup.Org a kalpui kaltlangin an indawr a ni.