Brazil in Formula One intlansiak kum nga dang an thleng leh dawn a, kum 2030 thleng F1 calendar a tel chhunzawm turin contract pawhseina an ziak.
Sao Paolo a Interlagos circuit tia sawi thin Autódromo José Carlos Pace tlankawng a neih thin intlansiak hi tuna an inremnaah São Paulo Grand Prix tia hming vuah a ni a, kum 2025 thleng an inremna dinglaiah tlan tur a ni.
Helai hmun hi F1 chanchin a tlankawng ngaihhlut leh hmun pawimawh tak chang a ni a, kum 1973 atang hian F1 intlansiak hi nghah a ni tawh.
F1 chief executive Stefano Domenicali chuan, “Kum 2030 thleng Interlagos a intlansiak tura kan ziah belh thei hi ka lawm tak zet. Brazilian fans te hmaah intlansiak boruak nuam tak ni thin hi a kal zel thei tur hi ka thil nghahhlelh tak a ni.”
“Motorsport ah hian Brazil hian zung nghet tak a nei a, he tlankawng ropui tak hi driver tam tak leh fans te ngainat a ni.” tiin a sawi.
Entu mipui nuai hnih leh sing li velin a hmuna an en thin intlansiak hi naktuk zan dar 10:30 hian tlan a ni dawn a. Zanin dar 12-ah sprint race tlan a ni ang.